Co título Axudádeme a cantar, o Consello da Cultura Galega presentaba este 12 de maio unha guía docente que quere axudar a introducir a música de tradición oral nas aulas. O proxecto, que ensina como organizar unha foliada na escola en sete pasos, está orientado ao terceiro ciclo de educación primaria, con posibilidade de se estender a outros niveis, e pódese descargar de balde desde o web da institución.
Renée de Palma coordinou este proxecto no que participaron Beatriz Busto, Carme Campo, María Jesús Caramés, Xaime Estévez, Cristina López Villar, Marta Otero, Santiago Quiroga e Carolina Vázquez Castro. O texto fai un percorrido polos diferentes nomes que reciben as foliadas e realiza unha introdución nas formas do baile e da música tradicional. Ademais de tratar os instrumentos e a propia celebración da foliada, o volume recolle como anexos as partituras da Xota de Liñares (Avión, Ourense) e a Xota máis o Agarrado de Teaio (ambas as dúas de Dodro, A Coruña).
Pola súa banda, a empresa de supermercados Gadis presentaba este 9 de maio Foliada!, publicación de homenaxe polo Día das Letras. A obra combina reinterpretacións de cantigas tradicionais mediante os traballos das ilustradoras Xoana Almar, Iria Fafián, Laura Mahía, María Montes e Laura Tova con textos das escritoras Yolanda Castaño, Esther F. Carrodeguas, Ledicia Costas, María Lado e María Solar. Ademais, o web da iniciativa permite ouvir as cantigas recollidas nas voces das homenaxeadas no Día das Letras. O supermercados da cadea distribuirán 30.000 exemplares da publicación ao longo do vindeiro 16 de maio.
Tamén Edicións Embora se suma á celebración con lanzamento de Pandeireteiras. A obra propón un percorrido biográfico e artístico polas mulleres que protagonizan o Día das Letras de 2025. "Mulleres que nos albores do último cuarto do século XX marcaron novos camiños para a música popular galega. Voces cuxo legado está moi vivo aínda nos espectáculos de artistas e agrupacións do século XXI". Xosé Manuel e Icía Varela, con ilustracións de Nerea Gómez, asinan esta obra divulgativa.
Renée de Palma coordinou este proxecto no que participaron Beatriz Busto, Carme Campo, María Jesús Caramés, Xaime Estévez, Cristina López Villar, Marta Otero, Santiago Quiroga e Carolina Vázquez Castro. O texto fai un percorrido polos diferentes nomes que reciben as foliadas e realiza unha introdución nas formas do baile e da música tradicional. Ademais de tratar os instrumentos e a propia celebración da foliada, o volume recolle como anexos as partituras da Xota de Liñares (Avión, Ourense) e a Xota máis o Agarrado de Teaio (ambas as dúas de Dodro, A Coruña).
Pola súa banda, a empresa de supermercados Gadis presentaba este 9 de maio Foliada!, publicación de homenaxe polo Día das Letras. A obra combina reinterpretacións de cantigas tradicionais mediante os traballos das ilustradoras Xoana Almar, Iria Fafián, Laura Mahía, María Montes e Laura Tova con textos das escritoras Yolanda Castaño, Esther F. Carrodeguas, Ledicia Costas, María Lado e María Solar. Ademais, o web da iniciativa permite ouvir as cantigas recollidas nas voces das homenaxeadas no Día das Letras. O supermercados da cadea distribuirán 30.000 exemplares da publicación ao longo do vindeiro 16 de maio.
Tamén Edicións Embora se suma á celebración con lanzamento de Pandeireteiras. A obra propón un percorrido biográfico e artístico polas mulleres que protagonizan o Día das Letras de 2025. "Mulleres que nos albores do último cuarto do século XX marcaron novos camiños para a música popular galega. Voces cuxo legado está moi vivo aínda nos espectáculos de artistas e agrupacións do século XXI". Xosé Manuel e Icía Varela, con ilustracións de Nerea Gómez, asinan esta obra divulgativa.
