Baiuca
Esta mañá déronse a coñecer os finalistas da segunda edición dos Premios de la Academia da Música, asociación sen ánimo de lucro formada por artistas, autores, produtores, editores, representantes, promotores e outros profesionais do sector co fin de estimular e proclamar a excelencia, a solidariedade, o talento, o traballo e o esforzo entre a comunidade musical do Estado. Os II Premios da Academia da Música están formados por 43 categorías, con 223 nomeados en total entre eles varios artistas de Galicia, cunha categoría que premía as cancións en lingua galega ou asturiana, chamada "Mellor canción en galego / asturiano / bable" e na que de feito as cinco candidaturas finalistas inclúen artistas galegas. Así optan nesta premio os temas 'A Nosa Verbena', de Ortiga; 'Catro Cousas' de Caamaño & Ameixeiras con Rodrigo Cuevas; 'Hi, My Love', de Sabela; 'Pedindo Perdón', de Tanxugueiras; 'Sísamo', de Baiuca (feat Antía Ameixeiras); 'Tes Que Ser De Aquí (Meigas)' de Miriam Rodríguez.
Os artistas galegos teñen sitio tamén noutras categorías, como é o caso de Baiuca, que co disco 'Barullo' (Raso Estudios, 2024) e o tema que lle dá nome é candidato nas categorías de Mellor Álbum de Música electrónica e Mellor canción do mesmo xénero. Tamén Carlos Ares ten dúas candidaturas nesta edición co seu traballo 'Peregrino' e a canción homónima nas Categorías de Mellor canción de Cantautor/a e Mellor Álbum de Cantautor/a. Co seu disco 'Basal' A Pedreira sitúase entre os cinco candidatos estatais so premio A Mellor Álbum Folclórico do ano. Nos galardóns dedicados á Bandas Sonoras Orixinais de traballos audiovisuais, colócase a compositora Zeltia Montes (O Saviñao, 1979), grazas ao seu traballo para a película 'Salve María'. Por el entra nas categorías de Mellor álbum de BSO e de Mellor canción, polo tema 'Un premio'. Os gañadores desvelaranse nunha gran gala que terá lugar en Madrid a principios do mes de xuño.
