Logo de medio século sen se celebrar, a Illa de Ons recupera este domingo 2 de marzo o seu entroido tradicional. Os personaxes das máscaras e os mudados percorrerán de novo uns camiños polos que desfilará tamén a figura de palla que representa o Entroido en si. O programa inclúe unha fiada da man do colectivo Arredor da Tradición.
O Concello de Bueu e a Asociación de Veciños e Amigos da Illa de Ons promoveron a recuperación desta festa a se apoiar nas investigacións do filólogo José Manuel Dopazo, que á súa vez recuperou gravacións e fotografías do antropólogo Staffan Mörling realizadas desde os anos 60.
Con ocasión desta celebración, haberá un servizo especial de barcos entre Bueu e a illa, que sairá ás 10:30 horas e regresará ás 18:00.
