Vigo acollerá os Premios MAX en 2027

No marco da busca dun impulso cultural con ecos no exterior, a cidade olívica será a sede da XXX Edición dos Premios Max das Artes Escénicas no ano 2027, que se celebrará o 3 de maio no Auditorio Mar de VIgo e que organiza a SGAE. O Concello de Vigo ven de chegar a un acordo coa Fundación SGAE, organizadora destes premios estatais das artes escénicas, para que Vigo sexa a cidade onde teña lugar a gala de entrega, como xa foi no ano 2003. Na presentación participaron o alcalde , Abel Caballlero, o presidente da Fundación SGAE, Juan José Solana; o director xeral, Rubén Gutiérrez; o director en Galicia Miguel DIéguez, e o responsable do consello territorial, Teo Cardalda, amais da primeira tenente de Alcaldía, Carmela Silva e o edil de Cultura, Gorka Gómez.