Segundo o texto que acompaña a presentación, 'de amor' parte do nacemento dunha relación afectiva, como é o caso do 'sae o sol' -o tema de apertura do disco-; e avanza con luminosidade pola intensidade inicial con 'a fin do mundo' ou 'ondas sonoras de xúpiter (24/7)' -peza na que colabora Juana-, mentres que con 'mario crush' explora a expresión do namoramento desde o punto de vista máis lúdico; para dar paso a 'xogar contigo', 'cupido', 'a frecha' ou 'bolboretas', que reflicte a tensión entre o desexo contido e a catarse; ata incluso abordar o medo, as inquedanzas ou a perda, como é o caso de 'trapecista emocional' e 'o único medo que teño', temas que pechan do álbum. Só que da saber cando poderemos ver en directo estes temas contando, de seguro coas achegas de todo o colectivo.
RSK aborda en 'de amor', desde a vulnerabilidade e a intimidade, o querer, os afectos e os coidados. Faino desde un espazo atravesado polas diversidades no que se representan os diferentes tipos de amor desde unha ollada naif, linda e cálida, sempre apoiado por unha sonoridade pop envolvente e caracterÃstica, unha produción meticulosa na que atopamos os ecos dos traballos individuais dalgúns dos seus membros como o talentoso Berto, e todo un universo audiovisual que acompaña o seu relato. Ao cabo, o disco é unha pata máis do propio proxecto: resaca emocional é un colectivo que se constrúe desde os coidados, poñendo en valor o traballo, inquedanzas e inspiracións de cada integrante ao traballar de forma colaborativa na creación de pezas musicais, audiovisuais e de deseño gráfico. É xogo, creatividade sen fronteiras e busca deliberada de inocencia. RSK achega as súas ansias de amosar o máis puro que nos poida ofrecer, de non poñerse lÃmites e de entenderse coma unha exploración continúa. Un discurso que o colectivo presenta en forma de dez himnos bailables que gardar no corazón.
