O que estaba considerado un dos cruceiros mais destacados do Concello de Noia, o de Eiroa, quedou esnaquizado logo do paso da borrasca Herminia na pasada fin de semana. Os fortes ventos que acompañaron o temporal provocaron a caÃda desta peza, situada na parroquia de Santa Cristina de Barro, que ficou partida nunha ducia de fragmentos.
O Concello anunciou xa a súa intención de restaurar a peza e contactou unha empresa especializada neste campo, que ao longo do 27 estaba previsto que retirase os anacos deste elemento patrimonial. O cruceiro, que representa a escena do desencravo de Cristo, fora erixido en 1879.
