Persoas candidatas aos premios Goya 2024. Fonte: Facebook da Academia Galega do Audiovisual
A Academia de Cine española daba a coñecer este 18 de decembro a listaxe de propostas que optan a se facer cun dos galardóns na 39 xeira dos Premios Goya. Entre estas, catro nomes do audiovisual galego compiten en diferentes categorías nos principais recoñecementos do sector a nivel estatal.
Nelas, destaca a candidatura de Lucía Veiga ao galardón á mellor actriz revelación polo seu traballo en Soy Nevenka. Canda a ela, Luís Tosar pode facerse co premio ao mellor actor de reparto polo seu traballo en La infiltrada.
Carlos Amoedo, nomeado ao premio á mellor dirección de produción por Segundo Premio e mais a candidatura a mellor curtametraxe de animación de Lola, Lolita, Lolaza, producida por Chelo Loureiro , completan a listaxe. A gala de entrega dos galardóns celebrarase o vindeiro 8 de febreiro no Palacio de Congresos y Exposiciones de Granada.
