Estamos afeitos a coñecer que un concello galego está irmandado con algún outro de fóra cando, esporadicamente, se organizan actos conmemorativos ou as corporacións municipais se visitan mutuamente. Sen embargo, o Instituto Galego de Análise e Documentación Exterior (IGADI) acaba de publicar na súa web un estudio de María del Mar Gómez que analiza o escaso orzamento e a falta de programación que se destinan a estes acordos. Segundo a autora, deste xeito desaprovéitanse moitas das posibilidades que abre este tipo de relacións con vista ao turismo, a educación ou a cultura, entre outros eidos.
Máis información no web do IGADI
