Reconstrúen a apariencia da igrexa de Sar no século XIII

A igrexa de Sar, en Santiago de Compostela, conta hoxe cuns característicos enormes arbotantes que sosteñen a igrexa de orixes medievais. Son consecuencia da inestabilidade estrutural do edificio, situado sobre un terreo de ribeira próximo ao propio curso fluvial do Sar. A Fundación Catedral de Santiago vén de presentar unha ollada virtual ao edificio no século XIII, sen as adicións e transformacións posteriores. O proxecto, dirixido por Ramón Yzquierdo Peiró e Victoriano Nodar, permite obsservar a primitiva fachada románica cos seus tres rosetóns ou o seu falso triforio, así como o edificio seus os seus característicos arbotantes actuais.