Ademais disto, o día 6 Quintáns realizará unha charla sobre a súa experiencia co son no mundo do cinema. Durante a tarde, o filme Tres amosará a historia dunha deseñadora de son que perde a sincronía entre son e imaxe na realidade. A seguir nesta temática, o día 8 poderá verse a produción Stop Making Sens, gravación dun concerto de Talkin Heads en 1984 que se estableceu como paradigma para o rexistro das actuacións en vivo.
Canda a estas propostas, o programa comezará o día 4 coa Caravana de Cine, unha selección de filmes para público familiar, e na noite poderá verse Island of dogs de Wes Anderson ao aire libre na Praia da Cuncha.
Para o 5 está prevista unha charla e a gravación do podcast Gafapasta Plasta ao vivo e, de noite, a proxección de The zone of Interest. O día seis poderá verse O gaiteiro que desceu da carabela curtametraxe documental de Juan Quintáns sobre o gaiteiro Tales Melati e a súa participación na descuberta de Brasil.
O día 8 desenvolverase un obradoiro de animación Stopmotion para crianzas e o filme Calamity de mañá, mentres o 9 está prevista a proxección de C'è Ancora Domani no Salón García. A semana rematará o día 10 coa presentación do libro El Imaginario Fantástico de Tim Burton de Milena Martínez e mais a proxección de Bitelchús, nunha sesión que se desenvolverá en formato pic-nic.
