Aos 72 anos de idade e deixando profundo pesar faleceu onte en Ribeira o escritor, tradutor e profesor Xosé Antón Parada Fernández, natural de Moaña. Doutor en Filoloxía clásica e Mestre en Linguas clásicas no ensino medio no IES Pobra do Caramiñal. Foi recoñecido co Premio Plácido Castro de Tradución por traducir ao galego, desde a súa lingua orixinal, o acadio babilónico, o 'Código de Hammurabi' (Rinocerote Editora, 2022) un dos textos legais máis antigos dos que hai constancia. A sociedade do Barbanza quedou fondamente impactada pola desaparición do profesor, moi coñecido tamén como activista e que foi concelleiro en Ribeira polo Bloque Nacionalista Galego. O funeral terá lugar hoxe ás oito da tarde no Tanatorio-crematorio do Barbanza – Xarás, onde se realizará un acto de despedida.
