A plataforma Contratos de Galicia recolle este 12 de xullo a licitación dun contrato da Universidade de Santiago (USC) para o desenvolvemento “dunha aplicación web para a aprendizaxe da lingua galega". A proposta, que se enmarca no proxecto xOC do que participan as tres universidades galegas, conta cun orzamento de 100.000 euros e apoio de fondos europeos Next Generation.
Segundo apuntan os pregos da licitación "na actualidade non se dispón dunha aplicación deste tipo para a aprendizaxe da lingua galega", ao tempo que salientan que "os sistemas clásicos de aprendizaxe precisan actualizarse e dar resposta aos retos de dixitalización da sociedade actual".
A ferramenta, deseñada para aprender galego a partir do castelán, artellará os seus contidos en módulos formativos e niveis de aprendizaxe. As diferentes actividades interactivas integrarán texto e imaxes e informarán ás persoas usuarias dos seus avances.
Entre as actividades que deberá recoller a aplicación están seleccionar pares audio-texto, identificar palabras ou textos a partir de audios e imaxes, traducir unha secuencia de texto a base de ordenar e seleccionar palabras soltas, completar secuencias escritas, responder preguntas relacionadas cun texto ou relacionar palabras equivalente nos dous idiomas.
Segundo apuntan os pregos da licitación "na actualidade non se dispón dunha aplicación deste tipo para a aprendizaxe da lingua galega", ao tempo que salientan que "os sistemas clásicos de aprendizaxe precisan actualizarse e dar resposta aos retos de dixitalización da sociedade actual".
A ferramenta, deseñada para aprender galego a partir do castelán, artellará os seus contidos en módulos formativos e niveis de aprendizaxe. As diferentes actividades interactivas integrarán texto e imaxes e informarán ás persoas usuarias dos seus avances.
Entre as actividades que deberá recoller a aplicación están seleccionar pares audio-texto, identificar palabras ou textos a partir de audios e imaxes, traducir unha secuencia de texto a base de ordenar e seleccionar palabras soltas, completar secuencias escritas, responder preguntas relacionadas cun texto ou relacionar palabras equivalente nos dous idiomas.
