Titiricircus. Fonte: Tanxarina.
Cinco compañías galegas, unha portuguesa e unha orixinaria de Alén Miño e residente no noso país, compoñen o programa do II Titirivedra. O ciclo de monicreques de Pontevedra desenvolverase entre o 15 e o 21 de xullo a contar cun total de sete actuacións.
As mil e uma noites, da portuguesa Caricata Teatro abren o program ao luns 15. Seisdedos Marionetas, con O Galo Quirico, Fantoches Baj, que presenta Novos lobos, Mircromina, con Raio de Loubicán e A pita xefa de Alakrán compoñen o programa ata o venres 19.
Danthea Teatro, que achega Polichinela titor de Pierrot e o clásico Titiricircus de Tanxarina completan a programación. Todos os espectáculos están orientados a público familiar e desenvolveranse ás 19 horas na Alameda.
