Francisco Veiga recollendo o galardón Foto: FEGATEA
O Centro Dramático Galego ven de recibir o VII Premio Fegatea á Animación Teatral, un galardón entregado durante a celebración do 24 aniversario da Federación Galega de Teatro Afeccionado que se celebrou este domingo no Castelo de Sobroso, en Ponteareas. Durante o acto, que contou con 16 pezas de microteatro representadas por compañías de toda Galicia. entregouse este galardón que recoñece o apoio ao teatro amador desde a unidade teatral pública, así como a súa traxectoria e importancia. O director xeral de Cultura da Xunta de Galicia, Anxo Lorenzo e Francisco Veiga, xefe de produción do CDG, asistiron e recolleron o premio.
