O prestixioso filósofo Gilles Lipovetsky inaugura hoxe, ás sete da tarde, no Salón de Actos do Consello da Cultura Galega, as xornadas “Galicia, estratexias de futuro: novos espazos na sociedade global”, cunha conferencia titulada: “Da postmodernidade á hipermodernidade: os novos xeitos de vida individualistas”. Lipovetsky é un pensador francés de sona internacional que traballou en profundidade sobre a moral e as transformacións dos valores individuais e colectivos na sociedade actual. As xornadas están organizadas polo tamén filósofo Antón Bahamonde. Entre hoxe e o venres disertarán no Consello da Cultura arquitectos como César Portela, o urbanista Jordi Borja ou o politólogo FermÃn Bouza.
Máis información na web do Consello da Cultura Galega
