O CCG publica dúas colección documentais medievais do sur de Galicia

O Consello da Cultura Galega presentará esta tarde no Instituto de Estudos Miñoráns en Gondomar dúas publicacións do proxecto Gallaecia Monumenta Historica, que edita fontes documentais medievais. Trátase de Documentos medievais de Santa María de Baiona (1274-1531) , autoría de Xulián Maure (Vigo, 1941), e Os mosteiros de Santa María de Tomiño e Santa Baia de Donas na Idade Media. Estudo histórico e colección documental, de Víctor Rodríguez Muñiz (Ramirás, 1982). A publicación sobre Santa María de Baiona presenta 55 documentos en galego que dan conta da actividade, xestión, foros, vendas e doazóns vinculadas a esta igrexa, desde 1274 ata a perda do galego notarial en 1522. Da outra banda, Os mosteiros de Santa María de Tomiño e Santa Baia de Donas na Idade Media abordan a interesa colección destas dúas abadías paralelas na súa evolución histórica e que acabaron rexidas por unha única abadesa. As dúas publicacións xa se poden descargar na rede.