Imaxe de arquivo da factoría baleeira no documental Caneliñas. A costa das baleas
A Facultade de CC. da Comunicación da USC promove asementeira.gal, un "espazo para a innovación do xornalismo e da comunicación en galego, especialmente pensado para as xeracións nativas dixitais". Trátase dun repositorio de proxectos dos alumnos da facultade, clasificado por formatos (documental interactivo, audiovisual, etc.) e por tipos (entretemento, ficción, etc.) "pensado tamén para que o sector profesional descubra novos talentos na creación de contidos informativos e comunicativos". O proxecto permite acceder a unha gran diversidade de produtos dixitais finalizados de todo tipo de temáticas.
