O proxecto, que recibiu un apoio de 10.000 do II Fondo de Proxectos Culturais Reino de Galiza da Deputación da Coruña, trata cuestións como as feiras ou a roupa da Idade Media, o desenvolvemento do Camiño de Santiago nesta época ou a lírica medieval.
Os capítulos, orientados a público novo, trazan paralelismos entre a vida medieval e a actual, a falar dos trobadores como os rapeiros dos nosos días, do machismo nas cantigas ou a indagar nos estilos de vestir propios do momento. A produción está dirixida e guionizada por Belén Puime e conta con Álex Tajuelo na montaxe.
