O traballo sae en edición limitada tanto en formato vinilo (duplo vinilo edición Deluxe) como en formato CD duplo + Libro de fotografías, curiosidades e variedades. Ademais tódolos formatos Inclúen tarxeta con código QR para acceso a contido extra e exclusivo entre o que está a gravación en vídeo do concerto completo en Revenidas e tamén o concerto completo celebrado no festival Castañazo Rock, entre outras filmacións. Gabri (Cantante e fundador da banda) define o disco como Unha pequena mostra do que aconteceu a noite do 9 de Setembro na celebración, xa non só do noso 20 aniversario, senón da situación actual da escena musical galega. Un disco para a esperanza, un disco que amosa o crecemento dun grupo dende que nace ata que consegue que a súa música sexa banda sonora da vida de xa varias xeracións. Un agasallo para toda amante da efervescencia musical galega dos últimos anos". A banda xa comezou unha extensa xira de presentación que os levará a multitude de lugares e da que xa anunciaron as primeiras datas e están a piques de presentar o documental inmersivo 'Seguimos en pé', onde amosarán a vida cotiá do grupo durante a xira do ano 2023.