29 años, 9 meses y 1 día de Los Suaves xa está nas tendas

O pasado 18 de setembro Los Suaves subíronse ao escenario na súa cidade natal, Ourense, e deron un excepcional concerto ante milleiros do seus incondicionais celebrando a súa longa traxectoria. A gravación dese directo sae agora ás tendas en forma de duplo CD + DVD baixo o título de 29 años, 9 meses y 1 día (Santo Grial Producciones). Os CD inclúen 27 cancións do concerto máis un tema extra, a canción inédita gravada para a ocasión e titulada como o disco: 29 años, 9 meses y 1 día. O DVD contén as mesmas cancións que os CDs máis Siempre igual, o documental, fototeca e a versión multiángulo de Frío como una llave. A banda de rock ourensá dará proximamente dous concertos de presentación, en Xixón e Vigo os días 11 e 18 de decembro respectivamente.