Un web que permite percorrer en tres dimensións a exposición das obras seleccionadas para a XIV Bienal de Pintura do Eixo Atlántico. Esta é a proposta que presentou a organización desta iniciativa que cada dous anos selecciona os mellores traballos artísticos de Galicia e do Norte de Portugal. O proxecto recolle cumprida información sobre os 25 cadros que conforman esta mostra, a incluír redes sociais e espazos web dos e das artistas que participan da iniciativa.
As selección, realizada entre 104 obras que se presentaron a concurso, realizárona Helena Mendes Pereira, Sara Pérez Bello, João Ribeiro da Silva, Patrícia Oliveira e Tito Senna, gañador da XIII Bienal.
A exposición, que se pode ver de xeito presencial no Vello Cárcere Lugo ata o 30 de decembro, continuará despois a súa itinerancia por, Braga, Bragança, Maia, Felgueiras, Vila Real, Vila Nova de Gaia e Barcelos. No noso país poderá verse o vindeiro mes de maio en Ribeira e en outubro en Monforte de Lemos. O Eixo Atlántico ten tamén dispoñible na rede o catálogo da mostra.
A exposición, que se pode ver de xeito presencial no Vello Cárcere Lugo ata o 30 de decembro, continuará despois a súa itinerancia por, Braga, Bragança, Maia, Felgueiras, Vila Real, Vila Nova de Gaia e Barcelos. No noso país poderá verse o vindeiro mes de maio en Ribeira e en outubro en Monforte de Lemos. O Eixo Atlántico ten tamén dispoñible na rede o catálogo da mostra.
