O Concello da Coruña nomeou a Luis Jaime Oiza Galán como novo director do Museo Arqueolóxico da Coruña. O que ata o de agora era xefe do departamento de exposicións e conservación de arte municipal substitúe no posto, que levaba deserto seis anos, a José María Bello.
Oiza é licenciado en Xeografía e Historia na especialidade de Historia da Arte e conta tamén cun mestrado en Arqueoloxía. Leva a desempeñar diferentes funcións no concello nos últimos 33 anos.
Ante a nova da elección, Bello reclamou a necesidade de que o Concello consolide o centro situado no Castelo de Santo Antón, a sinalar importantes carencias de persoal e unha perda importante da relevancia do museo.
