Martins Aneiros Band debuta con Rain

A voz de Paula Martins e a guitarra de Víctor Aneiros compoñen a base de Martins Aneiros Band, unha formación que acaba de debutar no mercado discográfico con Rain. Dez cortes que combinan grandes referentes do blues con composicións propias, con letras da vocalista e música do guitarra, conforman a carta de presentación deste proxecto.

Marcos Sánchez (batería), Fran Rey (teclados), Victor Gacio (baixo) e Alejandro Masafret (baixo) completan esta formación que navega entre o soul o blues e o rock con aires clásicos e que leva xa tempo sobre os escenarios do país.

Temas en inglés cun grande protagonismo da guitarra aos que a voz rasgada de Martins lle achegan o seu carácter compoñen este proxecto discográfico que ve a luz da man de Gaztelupejo Hotsak.

A proposta supón un xiro na carreira de Aneiros, que ata o momento tiña unha discografía maioritariamente en galego, e de Martins, que era coñecida como voz da Big Bottom Band.