A Deputación de Ourense dá os primeiros pasos para que o Entroido da provincia sexa recoñecido pola UNESCO como Patrimonio Inmaterial da Humanidade. A empresa Trivium, dedicada á xestión cultural e turística, será a encargada de elaborar un estudo de viabilidade e unha folla de ruta que determinen as posibilidades de obter este recoñecemento internacional.
O Instituto Ourensán de Desenvolvemento Económico (INORDE), organismo dependente da Deputación de Ourense, adxudicou á empresa un contrato menor por valor de 14.973,75 euros con este fin. Segundo avanza Faro de Vigo, a entidade non descarta presentar unha candidatura conxunta con máscaras portuguesas ou zamoranas para a súa avaliación polo organismo internacional.
