O vindeiro 9 de setembro a Cidade da Cultura, en Santiago de Compostela, acolle unha nova edición do programa Cidade Imaxinaria. Esta proposta de novo circo, clown, malabares e acrobacias para o público máis novo nacera en 2011 e interrompérase por mor da pandemia de Covid-19 logo da xeira de 2019.
Segundo anunciou a Xunta, a nova edición contará cunha vintena de compañías procedentes de Bélxica, Italia, Portugal, Valencia, Cataluña, Madrid e Galicia que achegarán espectáculos de malabaristas, trapecistas, equilibristas, saltimbanquis e clowns a se se combinar con outras tantas propostas lúdicas como unha escoliña de saltimbanquis, a exhibición de papaventos, unha área de xogos tradicionais e de habilidade, ou un espazo sensorial para bebés de 0 a 3 anos. O acceso será de balde e haberá postos de comidas e bebidas no recinto do Gaiás.
