O vindeiro 24 de agosto a Cidade da Cultura volta a se transformar nun circo. Por terceiro ano consecutivo o festival Cidade Imaxinaria levará ao monte Gaiás, en Compostela, animación de rúa, ilusionismo, malabarismo ou teatro. Serán un total de 19 funcións ao longo de todo o día a cargo en diferentes pases a implicar 100 artistas. Títeres, teatro, zancudos, música e todo tipo de entretementos orientados ao público familiar ocuparán o lugar a partir das once da mañá. Ademais das actuacións haberá obradoiros de cociña, aromaterapia, maquillaxe ou globoflexia para os máis novos e postos de doces e comida.
