Portada do número
O cronista oficial de Mondoñedo, Antonio Reigosa, promove este caderno anual de estudos locais, Mondoñedo na memoria, que xa vai polo seu cuarto número e que se pode descargar de balde desde o sitio web do autor. Desta volta, o número achega varios artigos ao redor dunha singular figura mindoniense, a mestra e pedagoga Andrea López Chao, quen emigrou a Cuba en 1904 e significouse como directora do Plantel Concepción Arenal do Centro Galego da Habana e defensora dos dereitos sanitarios e sociasi das mulleres. O caderno inclúe varios artigos que documentan a biografía da mestra e mesmo a edición do seu importante discurso no I Congreson Nacional de Mujeres celebrado na Habana en 1923.
