O récord de participación galega na Feira do Libro de Frankfurt deste ano coincidiu cunha diminución da presencia xeral de empresas neste encontro, segundo informou a presidenta da Asociación Galega de Editores (AELG), Fabiola Sotelo. Ademais do posto común patrocinado pola Xunta para o sector, Kalandraka e Nova Galicia Edicións contaron con cadanseu posto. A presidenta da AELG apuntou que en xeral se viu un descenso no número de editoras de todo o mundo neste evento e que mesmo os pavillóns dispoñibles eran máis pequenos, polo que a presencia galega viuse reforzada. De calquera xeito recoñeceu que aínda non se poden facer valoracións sobre os resultados económicos do evento para o sector xa que os acordos conseguidos non se concretan de xeito inmediato.
Máis información en La Voz de Galicia e na nosa noticia sobre a feira
