A Asociación de Amigos dos Museos de Galicia outorgou o seu premio Pedra do Destino 2023 ao humorista gráfico Siro López (Ferrol, 1943), destacado debuxante, pintor e ensaísta. O galardón aparellou tamén a edición dunha obra do autor: A puta Morte. Benqueridos aussentes. Nel Siro López percorre diferentes personalidades xa finadas que el coñeceu ao longo das súas vidas. O libro está acompañado por ilustracións do propio autor. O galardón foi entregado no espazo cultural Portas Ártabras da entidade.
