A Academia do Teatro reflexiona sobre a estabilidade da profesión nas súas primeiras xornadas

As I xornadas organizadas pola Academia Galega de Teatro servirán para reflexionar sobre a estabilidade da profesión teatral, tanto laboral como creativo, e o impacto na profesión. As xornadas celebraranse no Pazo de Mariñán, co apoio da Área de Cultura da Deputación da Coruña, ata este domingo 21. As xornadas abordarán a "consistencia e solidez do sistema teatral galego, as dificultades e carencias na programación dos espazos dedicados a exhibición, os problemas para organizar a itinerancia dos espectáculos ou o estado actual das redes e circuítos de distribución", segundo publica Nós Diario.