Cuberta do número
A revista de divulgación histórica Mazarelos chega ao seu número 10 cunha ilustración de Sarai Lorenzo na cuberta e vizosos contidos no interior. Sara Fraga explica o traballo de campo con patrimonio inmaterial na comarca das Mariñas, e Alba Rivas e Jorge Viz analizan o Monumento de Manuel Pailós no campus norte da USC. Marco A. Álvarez estuda a evolución do concepto da liberdade desde a Antigüidade ata hoxe e Diego García presenta un estudo de caso no CPI Virxe do Monte (Cospeito) sobre a representación dos fascismos. A revista inclúe tamén unha entrevista a Charo Lopes e Brais Lorenzo sobre fotoxornalismo e un repaso da centenaria Agrupación Instrutiva de Caamouco a cargo do seu presidente Daniel García.
