Alvarellos recupera as cinco portadas de Lugrís para Vida Gallega

Como unha homenaxe ao pintor Urbano Lugrís (A Coruña-Vigo, 1973) no ano do 50 aniversario da súa morte, Alvarellos Editora recupera cinco portadas históricas que elaborou nos anos 50 para a revista Vida Gallega, reconvertidas en carteis. Cos títulos "Globo de Betanzos", "Alegoría de Vigo", "Alegoría carnavalesca", "Collage" e "Alegoría das catro provincias galegas", Lugrís publicou estas obras gráficas como portadas da revista entre agosto de 1955 e febreiro de 1959. Neste período Lugrís colaboraría intensamente, ben por medio de textos literarios mais tamén a través de espectaculares ilustracións como as que elaborou para estas cinco portadas agora rescatadas con motivo dos 50 anos do pasamento do artista. A editorial preséntaas agora como facsímiles sacando un paquete que conten as cinco como carteis. de gran formato (34 x 45 cms). Só están dispoñibles para venda directa desde a editorial, xa sexa vía web ou nas citas previstas co público pola editorial, na Selic de Compostela en xuño e na Feira do Libro da Coruña en agosto.