Tabernas, residencias, librarías e vivendas de amigos nos diferentes barrios vigueses son as paradas dun novo roteiro cultural presentado onte pola Concellería de Patrimonio do Concello de Vigo. O roteiro permite afondar na relación entre o pintor e a cidade, na que viviu en dous periodos diferentes e na que morreu no ano 1973. A última etapa de Urbano Lugrís en Vigo pasou por momentos de pobreza e vida errática.
O roteiro desenvólvese en tres partes. A primeira é un percorrido a pé que parte da Porta do Sol, xunto ao Sireno, e continúa por os lugares que frecuentaba (Taberna do Elixio, Librouro e o seu obradoiro). A segunda parte céntrase en coñecer e profundizar nas súas fontes de inspiración, especialmente no mar, e así os participantes desprázanse en autobús ata o Berbés e Bouzas. O último paso é visitar a exposición dedicada ao artista no Museo de Castrelos: Lugrís: Viaxe ao mundo de Ulyses Fyngal.
