Baixo o título "Cumpriuse a xustiza", que tamén é o proposto para ser o utilizado nas actividades nos centros de ensino como lema e etiqueta (#cumpriuseaxustiza), Carme Adán sinala a vixencia e importancia da palabra e o ollar de Rosalía de Castro para seguira acompañarnos e cuestionarnos a situación do mundo contemporáneo ao noso redor. "Rosalía ensínanos a mirar e a escoitar. É unha guía, por momentos unha amiga ou unha camarada, que nos acompaña entre poemas, novelas e ensaios para superar a banalidade ética do noso tempo. As súas palabras dan existencia a un mundo de inxustizas e opresións contra as mulleres, os pobres, a lingua galega ou os migrantes. O seu narrar é a escoita do noso mundo. En cada verso xorde unha interpelación para nós: que ou quen permite e lexitima as desigualdades, as vulnerabilidades impostas, as guerras, as violencias, os corpos esquecidos e desposuídos de valor", dío manifesto, que xa está accesible a través da AELG.
