Cos títulos de Pequerrech@s, Cativ@s e Mociñ@s, a CRTVG presentaba este 21 de decembro as súas tres novas canles específicas para público infantil por Internet. As emisións acumulan un total de 46 títulos e máis de 2.600 episodios e poden seguirse mediante transmisións en streaming no web e na app da corporación.
Cada unha das canles está orientada a diferentes idades, así Pequerrech@s vai un público de ata 6 anos e conta con 16 títulos e máis de 900 episodios. Cativ@s, pola súa banda, está orientada a nenos e nenas de 6 a 9 anos con 1.000 episodios de 17 series, mentres Mociñ@s achega 19 títulos e máis de 1.200 episodios para maiores desa idade.
De xeito paralelo a este lanzamento, a canle de Youtube da entidade achega cada tarde de luns a venres ata o vindeiro seis de xaneiro e a partir das 17 horas o programa Merenda cos Bolechas. O programa de 20 minutos fai parte da programación especial da corporación e consta dun directo cargado de música, xogos e sorpresas.
