O XV Festival Internacional de Cine sobre Discapacidade de Collado Villalba (FECIDISCOVI) recoñeceu a produción galega O home e o can con dous dos seus galardóns. O xurado do certame escolleu o filme dirixido por Ángel de la Cruz como merecente do premio á mellor película desta edición este 26 de novembro.
A película, rodada integramente en Ourense, impúxose así ás 142 propostas a concurso nesta edición do certame. Canda a este premio, o traballo de Manuel Manquiña a protagonizar esta fita valeulle o galardón a mellor intérprete. Neste proxecto, o veterano actor galego interpreta un ancián con discapacidade intelectual que percorre a cidade na procura dun veterinario para o can que é a súa única compañía.
