Cinco dos nove membros da xunta directiva da Asociación Marea Branca, que agrupa artistas de todo o país na loita contra a marea negra, denunciaron onte en Vilagarcía a existencia de irregularidades no colectivo. Concretamente, apuntaron que existen movementos non autorizados na conta de Marea Branca e que algunhas das obras cedidas solidariamente por artistas de toda a península están a empregarse de xeito ilícito. Os denunciantes reclaman que os fondos recadados se entreguen ao Instituto de Investigacións Mariñas de Vigo, como estaba previsto, e que se devolvan aos seus autores as pezas que non fosen vendidas.
Máis información no Diario de Arousa; en La Voz de Galicia e na edición de hoxe do Diario de Pontevedra
