8 poetas de distintas tradicións literarias, roteiros, visitas guiadas e presentacións de libros concorren na nova edición de 'Rosalía en camiño', un evento organizado pola Casa de Rosalía co apoio do Xacobeo e que reunirá entre o 30 de xuño e 2 de xullo a amantes da poesía en Padrón, Santiago de Compostela e Pontevedra. Cada un destes días, comezando polo xoves 30 de xuño en Padrón, o día comeza cunha visita guiada e remata cun recital, empregando o auditorio da propia Casa de Rosalía, o Museo do Pobo Galego ou o Museo de Pontevedra. Os autores convidados nesta ocasión son Constantino Bértolo, Dores Tembrás, Xabier Cordal, Nieves Neira Roca, María García Díaz, Tatiana Faia, Jaume Coll Mariné e José F.A. Oliver.
