Allariz presenta o festival literario FLAZ

Emma Pedreira, Juan Tallón, Katixa Aguirre, Edurne Portela, Diego Ameixeiras e José Ovejero compoñen o cartel de sinaturas convidadas na primeira edición do Flaz. O Festival Literario de Allariz bota a andar os días un e dous xullo da man do concello e mais da libraría Aira das Letras. "Por que, como e para que escribir hoxe en día serán cuestións centrais" do evento, que quere promover o diálogo de profesionais da escrita entre si e co público.

O programa aposta polo formato de convesas a dúo entre as figuras convidadas e un encontro conxunto final para reflexionar sobre estas cuestións. A literatura como manifestación artística hoxe será o eixe do encontro entre Emma Pedreira e Juan Tallón, mentres Katixa Agirre e Edurne Portela reflexionarán sobre "O pasado é un país estranxeiro. Tamén en Euskadi?". Diego Ameixeiras e José Ovejero abordarán o suspense na literatura actual, e a mesa final centrarase na cuestión "Para que serve hoxe a literatura?".