Foto: Santos Díez e Eduardo Castro Bal / AELG
O galardoado escritor Marcos Calveiro é o novo director de edicións da Editorial Galaxia. Calveiro será responsable de boa parte da cadea de produción do libro na editorial, valorando orixinais, acompañando os autores durante todo o proceso de edición e establecendo os puntos fortes das publicacións de cara a súa comercialización. A nova encarga deste avogado vigués de 54 anos chega xusto despois de retomar a súa carreira literaria coa publicación de Curros & Holmes no misterio d'o kapital, tamén en Galaxia.
