A Biblioteca Pública Municipal de Verín acolle ás 19:30 horas deste 3 de xuño o acto de apetura das IV Xornadas de Novela Negra. Co lema "Personaxes de Novela", o programa contará presenza de recoñecidas firmas desde xénero como Arantza Portabales, Xaquín F. Leiceaga e Alejandro Corral. Canda a elas, fan parte do programa "un elenco de profesionais, que normalmente aparecen nas novelas deste xénero literario". Así, o ex Comisario de Vilagarcía Enrique León, o Comandante da Garda Civil Víctor Souto, os médicos forenses Iria del Río e Fernando Serrulla, o xornalista Rafa Cid e o Xuíz Vázquez Taín, que ademais dirixe o evento.
Desde o Concello de Verín apuntan que "dado o prematuro pasamento do escritor vigués Domingo Villar, quen colaborou activamente ao longo destes anos no evento da Biblioteca de Verín" e de feito inaugurou a primeira edición, "desde a organización decidiuse render unha homenaxe a súa persoa na inauguración do evento" a cargo de Lorena Carnero e Daniel Carnero, voluntarios da Biblioteca de Verín. Unha imaxe do autor presidirá todas as conferencias como un xeito de recoñecemento ao que consideran "gran baluarte da escrita galega contemporánea".
