Cuberta do número 48 de Raigame
A emblemática revista Raigame, que edita o Centro de Cultura Popular Xaquín Lorenzo da Deputación de Ourense, acaba de publicar o seu número 48, dedicado de xeito monográfico á vida e obra de Florencio Delgado Gurriarán. Entre os artigos que se poden consultar, Emilio Vega e Delfín Caseiro repasan a obra e a visión política do autor en senllos artigos, Antón Dobao achégase ao microuniverso de Córgomo, a aldea natal do poeta, Julio Pérez Vega estuda o avangardismo e tradición en Bebedeira ou Ricardo Gurriarán, familiar do autor, estuda a vida de Florencio Delgado en México e a revista Vieiros.
