Fosfatina e editorial Elvira reeditan a histórica BD 2 viaxes

2 viaxes, obra que se considera fundacional da banda deseñada galega moderna, vai ter unha reedición facsimilar. As editoriais Elvira e Fosfatina coeditan este traballo orixinal de Xaquín Marín e de Reimundo Patiño, a quen este ano se lle dedicou o Día da Ilustración Galega. A obra, composta por dúas historias independentes, reflexiona sobre a situación do país na altura de 1975 a través da ficción científica.

Ata o vindeiro 23 de marzo está aberto o prazo de prevenda, a un prezo rebaixado e con material extra, desta publicación. A persoas interesadas conseguirán, ademais do volume de 128 páxinas, dous pósters en tamaño A2. A partir do 23, a obra estará dispoñible na tenda en liña da editorial Elvira, e comezará a distribución para levala ás librarías de todo o país.