Foto: Noelia Antelo / Concello de Malpica
A escultura de Manuel Coia desafiaba os ventos desde o vértice do Faro de Punta Nariga, como parte da intervención contemporánea realizada por César Portela no que foi o derradeiro faro construído en España. Pero a obra, propiedade da Autoridade Portuaria da Coruña, desapareceu. Foi cortada cunha radial e substraída. Os feitos xa foron postos en coñecemento da Garda Civil. A substracción desta obra súmase a outras desaparicións de obras de arte pública nos últimos meses noutros puntos da xeografía galega.