A xornada 'DRAMATURXIAS VISUAIS NA ÓPERA CONTEMPORÁNEA' inicia este sábado o ciclo A_NEXOS, unha proposta da Asociación Cultural AÏS dirixida e coordinada polo compositor Hugo Gómez-Chao en torno ás confluencias entre música e arte contemporánea. A xornada, que terá lugar na Fundación Luis Seoane ás 19:00 horas , será unha cita a cabalo entre a conferencia e o concerto, na que as reflexións virán acompañadas de música en directo, e que contará coa experiencia e profesionalidade de dúas grandes mulleres: a musicóloga Rosa María Fernández e a soprano Adriana Aranda. A sexta edición deste ciclo celebrará un segundo encontro neste mes de xaneiro, tamén na Fundación Luis Seoane, dentro do mesmo epígrafe sobre a ópera contemporánea.
