Capa da biografía de Valle-Inclán da editorial Cascaborra
Están xa a chegar ás librarías os exemplares de Valle-Inclán a biografía en cómic do autor galego que lanzaba Cascaborra Edicións co final de 2021. A obra conta con guión do galego Manuel López Poy, veterano autor de propostas como a serie La espada de San Eufrasio ou Os días do cometa e debuxos do vasco Kepa de Orbe. A obra ve a luz no marco das proposta de BD histórica da editora, e repasa a vida e o mito do literato e dramaturgo a partir dun intenso traballo de investigación.
Pola súa banda, Demo Editorial tirou do prelo este mes de decembro Destino Santiago, unha obra de carácter humorístico que achega á novena arte a experiencia persoal de Helder Rodrígues Parrinha na súa peregrinación á capital galega.
Desde Marín, Rafael Núñez debuta na banda deseñada con Los reinos del ajedrez, unha obra na que se explican os secretos deste xogo desde a perspectiva das propias pezas. O vasco Aitor Vidaurreta corre coas ilustracións desta obra autoeditada de 40 páxinas en branco e negro.
Desde Marín, Rafael Núñez debuta na banda deseñada con Los reinos del ajedrez, unha obra na que se explican os secretos deste xogo desde a perspectiva das propias pezas. O vasco Aitor Vidaurreta corre coas ilustracións desta obra autoeditada de 40 páxinas en branco e negro.
