Un personaxe do Dragal Challenge
Dragal Challenge é o título do concurso que leva á realidade aumentada o universo fantasía creado por Elena Gallego Abad no que supón unha adaptación inédita na literatura galega. O proxecto desenvólvese no marco da plataforma de vídeo baixo demanda PetisGO! que desenvolveron R, cinfo, Sixtema, Xoia e Ficción Producciones con apoio de fondos europeos FEDER.
O certame chama á participación de equipos compostos por unha persoa adulta e catro crianzas de entre 6 e 16 anos que deberán percorrer Galicia na procura de pistas e a resolver probas, con axuda de sistemas de realidade aumentada para atopar ovos de dragón esparexidos por toda a xeografía. Ademais, deberán agochar estes elementos para dificultar a procura dos seus rivais, todo co obxectivo final de controlar o último dragón.
