O poemario Da memoria do Mencía valeulle á poeta viguesa Eilún del Pazo Moa facerse co III Premio Florencio Delgado Gurriarán de poesía. O xurado do galardón que convoca o Concello de Vilamartín de Valdeorras co patrocinio da Deputación de Ourense e en cooperación coa Comisión de Planeamento do Proxecto As Letras de Florencio, deu a coñecer este 29 de setembro o seu fallo. A autora recibirá un premio en metálico de 3.000 euros e conseguiu ademais un dos cinco postos de finalistas co seu poema Destecedoira
Canda ás obras da gañadora, o xurado seleccionou como finalistas os traballos Eu fun meteorito, de Maurizio Polsinelli, Papas, de María Comesaña Besteiro e Escila, de Arancha Rodríguez Fernández, que chega á final por segunda vez. En total presentáronse ao certame 136 textos, dos que o xurado descualificou 15 por se presentar fóra de prazo ou non cumprir coas bases da convocatoria.
Del Pazo recollerá o seu galardón nunha gala que se celebrará o vindeiro 16 de outubro na Aira dos Bolos de Córgomo, na que o músico valdeorrés Sr. Jingles estreará a súa versión musicada dun texto de Gurriarán.
