O arcebispo Julián Barrio presidía onte a misa funeral por Domingo García-Sabell no mosteiro de San Martiño Pinario en Compostela. Unha misa en galego, ante un féretro cuberto coa bandeira do país, á que asistiron representantes dos máis diversos eidos da sociedade galega. Onda eles e a familia, numerosos veciños de Compostela e amigos do finado participaron na cerimonia, durante a cal se leron citas de Unanumo e de Santa Teresa de Xesús. Os restos mortais trasladáronse ao cemiterio de Boisaca pasadas as oito da noite, onde se celebrou o enterro no panteón familiar.
Máis información en O Correo Galego; e en La Voz de Galicia
