Raimundo García Domínguez, coñecido en todo o país coma Borobó, mestre de varias xeracións de xornalistas e unha das máis destacadas figuras do galeguismo, falecía ás nove da noite de onte en Santiago aos 87 anos despois dunha longa enfermidade. Borobó colaborou ao longo da súa carreira con xornais coma “La Voz de Galicia”, “El Español”, “La Revista Literaria” ou “Madrid” e chegou a dirixir “La Noche” e “El Correo Gallego”. Nos últimos anos mantiña a súa actividade colaborando periodicamente con “O Correo Galego” e “A Nosa Terra” entre outros medios. Hai vinte días recibía a súa última homenaxe ao ser nomeado fillo adoptivo de Boiro. Anteriormente fora recoñecido coma membro da Real Academia Galega, ademais de recibir o premio Pedrón de Ouro e o Julio Camba de xornalismo.
A capela ardente instalouse na mañá de hoxe no Pantón de Galegos Ilustres da igrexa compostelá de San Domingos de Bonaval ata a seis da tarde. A continuación trasladarase o corpo a Vigo, onde se procederá á incineración do corpo. O enterro está previsto para mañá sábado no panteón familiar de Pontecesures, onde se celebrará unha misa funeral á unha da tarde.
A capela ardente instalouse na mañá de hoxe no Pantón de Galegos Ilustres da igrexa compostelá de San Domingos de Bonaval ata a seis da tarde. A continuación trasladarase o corpo a Vigo, onde se procederá á incineración do corpo. O enterro está previsto para mañá sábado no panteón familiar de Pontecesures, onde se celebrará unha misa funeral á unha da tarde.
Máis información en Galicia Hoxe sobre a morte de Borobó; sobre a súa carreira profesional; sobre as homenaxes que recibiu; conversa con Borobó en Vieiros ; No web do Colexio de Xornalistas pódese ler un comunicado sobre a morte de Borobó así coma unha semblanza autobiográfica na que o propio Borobó se retrata a si mesmo
